Яңылыҡтар

01.02.2012.   Ошо көндәрҙә муниципаль район Советының сираттағы ултырышы саҡырыла. Депутаттар фекер алышасаҡ төп мәсьәлә – Баймаҡ районы муниципаль районының 2011 йылдағы эш йомғаҡтары. Докладсы – муниципаль район хакимиәте башлығы И.Х. Ситдыҡов. Алдан танышыу маҡсатында һәм мәсьәләне тикшереүҙә әүҙем ҡатнашыу өсөн докладтың тезистарын баҫабыҙ. 06.12.2011 14:24  Наркоманиянан һаҡлау өсөн Балаларҙы, йәштәрҙе наркоманиянан һаҡлау, наркомандарҙы билдәләү өсөн районда наркотест үткәрелә башланы. Был профилактик сара “Баймаҡ” ауыл хужалығы техникумында тамамланды. Артабан ул 105-се һөнәрселек училищеһында үткәреләсәк. Шүлкәләр Яңы йыл ҡаршылаған 26 ноябрҙә Һижри календарь буйынса 1433 йыл башланды. Шүлкә ауылы мәсетендә китапханасы Айгөл Моталлапова менән сараның бағыусыһы имам-хатип Юламан Раев ошо календарь буйынса Яңы йыл кисәһен үткәргән. Унда әсәй-өләсәйҙәре менән мәктәпкәсә йәштәге балалар саҡырылған. Башта аят бағышланған, балаларға бүләктәр таратылған, сәй табыны ойошторолған. Әсәләр нур сәсәләр Аҡморон мәҙәниәт йорто хеҙмәткәрҙәре менән берлектә ауыл китапханаһында Әсәләр көнөнә бағышланған кисә үтте. Йыр-моң, уйын-көлкө, фәһемле фекерҙәр менән һуғарылған сараға күп балалы, инвалид бала тәрбиәләгән, патронат ғаилә әсәләре саҡырылды. Ағинәйҙәрҙең дә әүҙем ҡатнашыуы кисәгә йәм өҫтәне. А. Иҙелбаева. Ж.Кейекбаевтың тыуыуына – 100 йыл 3-сө мәктәптә Ж.Кейекбаевтың тыуыуына 100 йыл тулыуға арналған башҡорт теле һәм әҙәбиәте аҙналығы үтте. Һәр уҡытыусы дәрестәрендә уны телсе-ғалим ғына түгел, фольклорсы, әкиәтсе, прозаик булараҡ та асты. Аҙналыҡ әҙәби кисә менән тамамланды. В. Иҙрисова. Акцияға ҡушылып Ишбирҙелә Бөтә Рәсәй “Спорт – насар ғәҙәттәргә ҡаршы” акцияһына ҡушылып, мәктәп уҡыусылары һәм уҡытыусылары Түңәрәк һаҙ туғайына йыйылып, күңелле спорт ярыштары үткәрҙе. Улар санала уҙышыу, туп менән хоккей уйнау, йүгереү һ.б. буйынса көс һынашты. Р. Халиҡова. Беҙ айыҡ тормош яҡлы! Кәрешкә ауылы клубында “Беҙ айыҡ тормош яҡлы!” исемле сара үтте. Клуб мөдире Тәнзилә Йәнтилина эскелек һәм тәмәке тартыуҙың насар эҙемтәләре тураһында сығыш яһаны. Йәштәр ике командаға бүленеп тапҡырлыҡта көс һынашты, интермедиялар күрһәтте. Кисә һуңында “Ярым айыҡтар” командаһы еңеүсе тип табылды. В. Казарбаева. Хроника Башҡортостан Республикаһы мәғариф министрлығы бойороғона ярашлы, Баймаҡ ауыл хужалығы техникумы урта профессиональ белем биреү дәүләт учреждениеһы директоры вазифаһына Хәсәнова Гөлнара Марат ҡыҙы тәғәйенләнде.

Рәсми бүлек 06.12.2011 14:23 Аяуһыҙ һынауҙарға бирешмәгән кешеләр Район хакимиәте башлығының Халыҡ-ара инвалидтар көнөнә ҡарата мөрәжәғәте Халыҡ-ара инвалидтар көнө илебеҙҙә яҙмышына күп һынауҙар, ҡаршылыҡтар тура килгән, һәр көнө көрәш менән үткән ҡәрҙәштәребеҙгә йәмғиәттең, властың, бизнестың иғтибарын йүнәлтеү өсөн үткәрелә. Һәр илдең миһырбанлығы, хәстәрлеге уның балаларға, ҡарттарға, физик мөмкинлектәре сикләнгән кешеләргә булған мөнәсәбәтенә ҡарап баһалана. Бөгөн, яҙмыш һынауы буйынса инвалид булған яҡташтарыма мөрәжәғәт итеп, районыбыҙҙа һәм республикала һеҙ үҙегеҙҙе кәрәкһеҙ итеп тоймауығыҙҙы, маҡсаттарығыҙҙы тормошҡа ашырыуығыҙҙы теләгем, йәмғиәтебеҙҙең терәк-таянысын тойоп йәшәүегеҙ өсөн бик күп эштәр башҡарылыуын һыҙыҡ өҫтөнә алғым килә. Шуныһы ҡыуаныслы, һеҙҙең күптәрегеҙ бер ниндәй ҡаршылыҡтарға бирешмәй тулы тормош менән йәшәй: тырышып эшләй, спорт менән шөғөлләнә, мәҙәни сараларҙа ҡатнаша. Беҙҙең бурысыбыҙ – ошондай матур ынтылыштарығыҙҙы тормошҡа ашырырға ярҙам итеү. Бар яҡташтарымды кешенең һыҙланыу-хәсрәттәренә һиҙгер, бигерәк тә инвалидтарға ҡарата шәфҡәтле һәм миһырбанлы булырға саҡырам. Халыҡ-ара инвалидтар көнө айҡанлы иң изге теләктәремде ҡабул итегеҙ. Бәхет, ғаилә именлеге һәм күңел тыныслығы һеҙгә! И. Ситдыҡов, муниципаль район хакимиәте башлығы. Район Советы ултырышы үтте Шишәмбелә Баймаҡ районы муниципаль район Советының 36-сы ултырышы үтте. Көн тәртибенә биш мәсьәлә сығарылды. Ултырышты муниципаль район Советы рәйесе Д.Ю. Сәйғәфәрова алып барҙы. Депутаттар иң тәүҙә “Баймаҡ районы муниципаль районы Уставына өҫтәмәләр һәм үҙгәрештәр индереү тураһында”ғы ҡарар проекты менән танышты һәм уны ҡабул итте. Икенсе мәсьәлә – 2012 йылға ҡайһы бер эшмәкәрлек төрҙәре өсөн көтөлгән килемгә берҙәм һалым буйынса территориаль финанс идаралығы начальнигы Р.И. Сирғәлин сығыш яһаны. Ултырышта муниципаль район хакимиәте башлығы урынбаҫары К.П. Замотаев әлеге ваҡытта республика етәкселеге тарафынан алып барылған социаль сәйәсәт тураһында һөйләп, халыҡты арзан торлаҡ менән тәьмин итеү мәсьәләләренә туҡталды. Планға ярашлы, социаль торлаҡ буласаҡ ерҙәрҙә инженер селтәрҙәре республика бюджеты иҫәбенә төҙөлһә, бушлай ер участкалары биреү мәсьәләһен урындағы власть органдары хәл итә. Әлеге ваҡытта проект-смета документацияһы төҙөү эштәре башҡарыла. Һөҙөмтәлә, атап үтелгән социаль программаны бойомға ашырыу тураһында ла район Советы ҡарары булды. Унан һуң район Советы секретары Р.З. Ишбулатов сығыш яһап, Башҡортостан Республикаһының 2011 йылдың 30 майындағы “Башҡортостан Республикаһы биләмәһендә ауыл хужалығы малдарын көтөү тәртибе тураһында”ғы 404(з)-се законына һәм 2011 йылдың 23 июнендә ҡабул ителгән Административ хоҡуҡ боҙоуҙар тураһындағы Башҡортостан Республикаһы Кодексына тәҡдимдәр индереү кәрәклеге хаҡында белдерҙе. Был юҫыҡта хәл ителәһе мәсьәләләр байтаҡ. Мәҫәлән, штраф кардаларына бикләнгән малды ҡарау тәртибе яйға һалынмаған. Быйыл сәсеүлектәрҙе тапаған өсөн бикләнгән мал крәҫтиән-фермер хужалыҡтары йәки ауыл биләмәләре иҫәбенән тәрбиәләнгән. Тотонолған сығымдарҙы мал хужаларынан кире ҡайтарыу механизмы юҡ. Шулай уҡ ҡайһы берәүҙәр бикләнгән малдарын штраф кардаларынан килеп алмай, шунлыҡтан уларҙы ҡабат сығарып ебәрергә тура килә. Депутаттар Башҡортостан Республикаһы Дәүләт Йыйылышы – Ҡоролтай рәйесе К.Б. Толкачев исеменә закон положениелары эшләү буйынса ходатайство ебәрергә ҡарар итте. Муниципаль район хакимиәте башлығының иҡтисад буйынса урынбаҫары З.Т. Ушанов киләһе йылға торлаҡ-коммуналь хужалыҡ буйынса тарифтар тураһында һөйләне. Ултырыш һуңында муниципаль район хакимиәте башлығы И.Х. Ситдыҡов сығыш яһаны. Ул яҡын киләсәктә төбәкте комплекслы үҫтереү программаһында ҡаралған эштәрҙән тыш, ҡаланы төҙөкләндереү һәм иҫтәлекле урындарҙы тәртипкә килтереү көнүҙәк мәсьәләләрҙең береһе, тип билдәләне һәм башҡа мәсьәләләрҙе күтәрҙе. Сәлимә КЕЙЕКБИРҘИНА. Эшҡыуарҙар өсөн семинар 2011 йылдың 6 декабрендә Башҡортостан Республикаһының сауҙа һәм ҡулланыусыларҙың хоҡуҡтарын яҡлау буйынса дәүләт комитеты хужалыҡ итеүсе субъекттар өсөн аҙыҡ-түлек һәм башҡа тауарҙарҙы, шул иҫәптән алкоголь продукцияһы һатыу (лицензия алыу, декларация биреү), төрлө хеҙмәттәр күрһәтеү, ҡулланыусылар хоҡуғын яҡлау өлкәһендәге ғәмәлдәге ҡануниәт талаптарын аңлатыу буйынса семинар үткәрә. Семинар барышында предприятие етәкселәре, шәхси эшҡыуарҙар сауҙа өлкәһе эшмәкәрлегенә ҡағылышлы һорауҙар бирә ала. Ҡыҙыҡһыныусыларҙың барыһын да сарала ҡатнашырға саҡырабыҙ. Семинар муниципаль район хакимиәтенең ултырыштар залында (Баймаҡ ҡалаһы, С.Юлаев проспекты, 36) сәғәт 10-да үтәсәк. Белешмәләр өсөн телефон: 3-17-46. Ҡулланыусылар хоҡуғы буйынса консультация 6 декабрҙә “Мегаполис” сауҙа үҙәгендә 14.00 сәғәттә Башҡортостан Республикаһының сауҙа һәм ҡулланыусыларҙың хоҡуҡтарын яҡлау буйынса дәүләт комитеты белгестәре тарафынан ҡулланыусылар хоҡуҡтарын яҡлау, тауар һатыу һәм хеҙмәт күрһәтеү ҡағиҙәләре мәсьәләләре буйынса консультация ойоштороласаҡ. Унда ҡулланыусылар хоҡуҡтарын боҙоу, тауар һәм хеҙмәттәргә ҡарата талаптар ҡуйыу ваҡыты, аҡсаны кире ҡайтарыу, тауарҙы ремонтлатыу гарантияһы һ.б. тураһындағы һорауҙар менән мөрәжәғәт итергә була. Белешмә өсөн телефон: 3-17-46. Социаль өлкә 06.12.2011 14:23 Күсейҙәргә – сертификат! Тағы ла ике күп бала тәрбиәләгән ғаилә торлаҡ сертификаты алып ҡыуанды Беҙҙең республикала күп балалы ғаиләләргә ярҙам йәһәтенән байтаҡ эштәр башҡарыла. «Башҡортостан Республикаһында күп балалы ғаиләләрҙе дәүләт яҡлауы тураһында» закон проектына ярашлы, биш һәм унан да күберәк балиғ булмаған йәштәге бала тәрбиәләүсе ғаиләләрҙең торлаҡ шарттарын яҡшыртыуға йүнәлтелгән программа эшләп килә. Махсус социаль түләүҙәр бирелә, ә уны алыу хоҡуғы торлаҡ сертификаты менән нығытыла. 1 декабрҙә ошондай оло бүләк Күсей ауыл биләмәһенең ике ғаиләһенә – Раушания менән Дәүләт Ишбирҙиндарға (Күсей) һәм Ринат Хөсәйеновҡа (Иҫәнбәт) тапшырылды. Сертификаттың күләме 1 миллион ярым һум самаһы тәшкил итә. Ҙур ҡыуаныс кисергән ғаиләләргә дәүләт ярҙамын маҡсатлы тотоноп, балаларының тик шатлыҡтарын күреп, уңыштарына һөйөнөп йәшәргә яҙһын. Айбулат Ишназаров. Автор фотоһы. Коммуналь хужалыҡтарҙа 06.12.2011 14:21 Йорт советтары эш башлай Рәсәй Федерацияһының Торлаҡ Кодексына 1 октябрҙән үҙгәрештәр индерелде. Шуларҙың береһе – күп ҡатлы йорттарҙа йорт советтары төҙөү. Был тәңгәлдә Баймаҡ ҡалаһында ла ойоштороу эштәре киң йәйелдерелде. Подробнее... Ихтыяр көсөнөң сере бына ниҙә! 06.12.2011 14:21 Был утрауҙа, әйтерһең дә, тормош туҡтап ҡалған: шундай һиллек, йылылыҡ ипкене бөркөлә, барлыҡ изге көстәр ошонда ғына тупланған, тиерһең. Бер мәлгә генә һуғылып, ҡайнап торған тормош ығы-зығыларынан азат булдыҡ, йылылыҡ, серлелек, изгелек иленә сәйәхәт ҡылдыҡ. Ул утрау тигәнем Семеновск ауылындағы аҡ ҡына йорт булһа, ошо изгелек нурҙарын бөркөүсе әхирәт-аҙаштар – Байназарова һәм Абдуллина Венера инәйҙәр ул. Маҡсатым физик мөмкинлеге сикләнгән Венера Байназарова тураһында яҙыу ине. Ул Хәйбулла районы ҡыҙы булһа ла, атаһын Семеновск ауылына эшкә ебәреүҙәре сәбәпле, ғаиләләре менән бында килеп төпләнәләр. Венера инәйгә ул саҡта ни бары 6 ғына йәш була. Өс малай, бер ҡыҙ үҫәләр. Ҡәһәрле һуғыш ҡара ауын ергә япҡас, балалар аталарын 1941 йылда яуға оҙата. Ул 1942 йылдың 9 майында хәбәрһеҙ юғала, әммә был ҡағыҙ ҡәҙерлеләре ҡулына ни бары 1947 йылда ғына килеп эләгә. “Әсәй дүрт баланы яңғыҙы көттө, уҡытып кеше итте”, – тип бала сағын һуғыш урлаған йылдарҙы иҫкә алғанда инәйҙең һыңар күҙенән йәштәр субырлап ҡойолдо. Эйе, һыңар. Сөнки бер күҙе уның бәләкәй сағында уҡ һуҡырайған. Яйлап был тарихты ла инәй үҙе бәйән итте. Подробнее... Хәтирәләр 06.12.2011 14:19 Бала сағымдағы тәүге һайлау Һуғыш бөтөүгә 4 йыл тирәһе үтһә лә, ауылдарҙа, колхоздарҙа бик ауыр һулыш алалар ине. Беҙҙең Күсей, Басай, Иҫәнбәт, Тоҡтағол ауылдарын берләштергән Ворошилов исемендәге колхозда барыһы егермеләп ат тороп ҡалған. Эшкә күберәк үгеҙ егәләр ине. Тракторҙар һәм башҡа ауыл хужалығы техникаһы әле юҡ. Колхозға эре тешле тәгәрмәстәр ҡуйылған “Нати” тракторҙары 1950 йылдарҙың баштарында ғына килә башланы. 1954 йылда сиҙәм һәм ҡалдау ерҙәрҙе үҙләштерә башлағас, беҙҙә лә ДТ-54 тракторы һәм игенде сабып яҫмаларға һалып барған “Сталинец”тар килде. Халыҡ аслы-туҡлы йәшәне, үлмәҫлек кенә аҙыҡ күрә, йәйен ойотҡан һәм йыуа менән туҡлана. Колхоз етештергән ит, һөт аҙығы, иген тулыһынса хөкүмәткә, ә уның өстән бер өлөшө Европаға бушлай китеп торҙо. Был эштең маҡсаты Европа илдәрендә социализмдың абруйын күтәреп, уны урынлаштырыу ине. Подробнее... Конкурсҡа 06.12.2011 14:18 Милләт-ара татыулыҡ йылына арналған шиғырҙар конкурсы тамамланыуға бара. Декабрь урталарында уға йомғаҡ яһаласаҡ. Ваҡыт аҙ ҡалды,йәш ижадсылар, әүҙемерәк булығыҙ! Татыу ғаилә кеүек Илемдә төрлө милләттәр Бергәләп татыу йәшәй. Әйтерһең, улар – балалар, Ә Башҡортостан – әсәй. Беҙҙән ҡунаҡсыл халыҡ юҡ – Матур ҡаршы алабыҙ, Түрҙә генә ҡунаҡ итеп, Бейеп кенә торабыҙ. – Һин – татар, ә һин – урыҫ, – тип Береһен ситкә ҡаҡмайбыҙ. Нисә быуат дуҫ йәшәйбеҙ, Илде бергә һаҡлайбыҙ. Шулай йәшәй беҙҙең халыҡ: Дуҫым ҡулы – усымда. Ыҙғыш-талаш күргәнем юҡ, Булмаһын бер ҡасан да! Илмир Ғәлиев, Ишмырҙа урта мәктәбенең 8-се класс уҡыусыһы. Бергә йәшәү еңелерәк Беҙҙең ил – Башҡортостан, Ә милләтебеҙ – башҡорт. Татыулыҡта көн итәбеҙ Урыҫ, татар, йә удмурт, Сыуаш, әрмән, йә ҡаҙаҡ — Һанарға етмәй бармаҡ... Гөрләп торабыҙ эштә, Ялда һәм көнкүрештә. Башҡорт халҡы динле лә, Һыйҙыра һәр кемде лә. Татыулыҡ өсөн кәрәк Бигерәк оло йөрәк. Ундай йөрәк беҙҙә бар, Илебеҙ ҙә түгел тар. Биләмәбеҙҙе биҙәп, Йәшәйҙәр төрлө милләт! Рәсәй ҡыйғыр ҡош булһа, Ә беҙ – уның ҡанаты. Бергә йәшәү еңелерәк, Барыр юлыбыҙ яҡты. Рәзинә Бикташева. Темәс ауылы.

Баймаҡтар – еңеүсе!

27-28 майҙа Октябрьский ҡалаһында үткән республика Ҡурай байрамында баймаҡтар уңышлы сығыш яһаны. Ғ. Сөләймәнов исемендәге сәнғәт мәктәбе уҡытыусыһы И.М. Мырҙа- ев етәкләгән район ҡурайсылар ансамбле лайыҡлы рәүештә 1-се урынды яуланы һәм диплом, телевизор менән бүләкләнде. Ә айырым башҡарыусылар араһында Ирек Марат улының тәрбиәләнеүсеһе Илнур Әбделғужин 3-сө урынға сыҡты.

Гербицидтар алынды

Сәсеүлектәрҙе химик утауға ла ваҡыт етте. Ошоно күҙ уңында тотоп, районға 19 тонна “Диамакс” гербициды алып ҡайтылған. Был күләм ауыл хужалығы предприятиеларын етерлек миҡдарҙа ағыу менән тәь-мин итергә мөмкинлек би-рәсәк. КФХ-лар ҙа ярҙамһыҙ ҡалмаясаҡ – әле уларҙан препаратҡа заявкалар ҡабул ителә.

А. Салауатов.

Паркты тәртипкә килтерҙек

1 июнь – Халыҡ-ара балаларҙы яҡлау көнөнә ар-нап ҡаланың С.Юлаев исемендәге ял һәм мәҙәниәт паркында байрам саралары уҙғарыласаҡ. Шуны иҫәпкә алып һәм БР буйынса иғлан ителгән “Минең республикам” исемле социаль-экологик акцияға ҡушылып, үткән аҙнала муниципаль район хакимиәтенең йәш-тәр секторы белгестәре 105-се һөнәрселек учили-щеһының 11-се төркөмө студенттары (мастеры Р.С. Тимерәсов) менән өмәгә сыҡты. Улар ҡырҡылған ағастарҙы, сүп-сар йыйҙы.

З. Сапарова.

Йыр бәйгеһе үтәсәк

1 июндә – Халыҡ-ара балаларҙы яҡлау көнөндә Билал ауылында һәүәҫкәр композитор Вилүр Мәүлитовтың йырҙарын башҡа-рыусыларҙың йыр бәйгеһе үтәсәк. Унда 5 йәштән алып 16 йәшкә тиклемге балалар көс һынаша. Әлеге ваҡытта 40-лаған заявка бирелгән. Күренекле композиторҙың ижадын пропагандалау, милли традицияларҙы үҫтереү, йәш таланттарҙы асыҡлау маҡсатында уҙғарылған йыр бәйгеһе ике турҙа үтәсәк.

С. Фәритова.

Өфөлә РФ Дәүләт Советы Президиумы ултырышы үтте

11 февралдә Өфөлә ил Президенты Д.Медведев рәйеслегендә “Рәсәй йәмғиәтендә милләт-ара татыулыҡты нығытыу буйынса саралар тураһында”ғы мәсьәлә буйынса Дәүләт Советы Президиумы ултырышы үтте.
Дмитрий Анатольевич сығышында: “Илдә милләт-ара мөнәсәбәттәрҙе көйләү, милләт-ара татыулыҡты һаҡлау – әлеге ваҡытта эшмәкәрлегебеҙҙең иң мөһим мәсьәләһе булып тора. Сөнки берҙәмлек булмаһа, дәүләт тә булмаясаҡ. Әгәр ошоно аңламаһаҡ, яуаплылыҡ тоймаһаҡ, быға ирешеү мөмкин түгел. Милли нигеҙҙәге енәйәттәр башҡа тағы ла ҡурҡынысыраҡ эҙемтәләргә алып киләсәк”, – тине.
Башҡортостан Президенты Рөстәм Хәмитов та ултырышта сығыш яһап, дәүләт кимәлендә Рәсәйҙәге аҙ һанлы халыҡтарға ярҙам итеү һәм илдәге бөтә милләттәрҙең туған телен һаҡлау кәрәклеге тураһында әйтеп үтте. “Мәҙәниәттең мөһим элементы булған телде һаҡлауға булышлыҡ итергә кәрәк. Мин үҙем, мәҫәлән,  башҡорт теленән, мәҙәниәтенән, китаптарынан, йырҙарынан, театрҙан башҡа тора алмайым. Һәм ике миллионға яҡын башҡорт та минең кеүек. Был татарҙарға ла, сыуаштарға ла, Рәсәйҙең башҡа халыҡтарына ла ҡағыла. Беҙгә үҙебеҙҙең телебеҙ, мәҙәниәтебеҙ кәрәк. Шул уҡ ваҡытта аңлайбыҙ: телдәргә көсләп өйрәтеп булмай. Көсләп асҡан күҙҙең нуры юҡ, тиҙәр. Ләкин Рәсәйҙә күп теллелек тенденцияһы булырға тейеш. Бер-ике генә түгел, кәм тигәндә өс тел белергә тейешбеҙ. Беҙ Башҡортостанда ошондай сәйәсәт алып барабыҙ һәм артабан да дауам итәсәкбеҙ, – тине Рөстәм Зәки улы. – Беҙҙең илдә милли үҙенсәлек гел буласаҡ, уларҙың ҡайһыларын алға сығарырға, икенселәрен кәмһетергә ярамай. Рәсәй халҡының үҙен төрлө милләттәр халҡы итеп ҡарау хоҡуғы булһын. Рәсәй милләте – ул этник төрлөлөк берләшмәһе. Беҙ Рәсәйҙе бер ваҡытта ла шовинистар һәм милләтселәр ҡулына бирмәйәсәкбеҙ”.
Ысынлап та, милләт-ара һәм конфессия-ара татыулыҡ Башҡортостаныбыҙҙы тотороҡло һәм ышаныслы итә. Республикалағы милләт-ара татыулыҡ – быуындан быуынға күсә килгән матур йола. Башҡортостан ерендә һәр кем үҙ телендә иркен аралаша, белем ала, изге йолаларын тергеҙә, быуындар күсәгилешлеген һаҡлай, балаларын ата-олатайҙар рухында тәрбиәләй. Беҙҙең төбәк һәр саҡ милләт-ара татыулыҡ һәм тыныслыҡ ере булды, ошондай күренеш киләсәктә лә дауам итер, тип ышанғы килә.     
Бик сетерекле һәм ҡатмарлы мәсьәлә – милләт-ара татыулыҡ проблемалары буйынса ултырышта ҡатнашыусы РФ субъекттары етәкселәре лә үҙ фекерен белдерҙе.
Ултырыш һөҙөмтәләре буйынса милләт-ара мөнәсәбәттәр өлкәһе менән шөғөлләнеүсе структура (координация Советы йәки комиссия) буласаҡ, әлеге ваҡытта һәр субъект етәксеһе эшмәкәрлеге милләт-ара татыулыҡҡа һәм берҙәмлеккә йүнәлтелергә тейеш, тигән ҡарарҙар ҡабул ителде.

Сәлимә Кейекбирҙина

Яңы проекттар тормошҡа ашырыласаҡ

Республиканың көньяҡ-көнсығыш райондарына тәүге эш сәфәре ваҡытында БР Президенты Р.З. Хәмитов төбәкте комплекслы үҫтереүҙең программаһын булдырыу кәрәклегенә айырым баҫым яһағайны. Үҙенең сығышында Рөстәм Зәки улы беҙҙең төбәк райондарының етерлек потенциалға эйә булыуын, әммә тормош кимәленең түбәнлеген һыҙыҡ өҫтөнә алды һәм хәлде төҙәтергә вәғәҙә биргәйне.

Республика башлығы һүҙендә торҙо. Күп тә үтмәй БР Хөкүмәте Премьер-министры урынбаҫары И.А. Тажетдинов етәкселегендә эш төркөмө булдырылды һәм райондарҙа инновацион проекттарҙы тормошҡа ашырыу мәсьәләһе өйрәнелде. Һөҙөмтәлә, төбәкте комплекслы үҫтереүҙең яңы программаһы әҙерләнде һәм уны тормошҡа ашырыуҙы Р.З. Хәмитов шәхсән үҙенең контроленә алды.

Шуныһы ҡыуаныслы, беҙҙең районды үҫтереү маҡсатында айырым программа булдырылды. “2011-2015 йылдарҙа Башҡортостан Республикаһы Баймаҡ районы муниципаль районын социаль-иҡтисади үҫтереүҙең комплекслы инвестиция программаһы” тип аталған яңы проект тормошҡа ашырыла башлаясаҡ. Төҙөләсәк һәм реконструкцияланасаҡ тәүге объекттарҙың исемлеге республика адреслы инвестиция программаһында ҡаралған. Ниндәй улар?

Темәс психоневрология интернатының таҙартыу ҡоролмаларын реконструкциялау БР Тәбиғәт министрлығы линияһы аша тормошҡа ашырыласаҡ. Бының өсөн 5 млн һум аҡса бүленә.

БР Ауыл хужалығы министрлығы линияһы аша Ишмырҙа ауылында һыу трассаһы һалыу күҙ уңында тотола. Объекттағы эштәргә 9 млн 727 мең һум аҡса ҡаралған.

Урғаҙа ауылында таҙартыу ҡоролмалары төҙөү ҙә планға индерелгән (БР Торлаҡ-коммуналь хужалығы министрлығы аша) – бының өсөн 10 млн һум аҡса биреләсәк.

Ҡуянтау ауылында яңы мәктәп төҙөлөшө күптән инде өлгөрөп еткән мәсьәлә. БР Мәғариф министрлығы линияһы буйынса төҙөләсәк был объекттағы эштәрҙе башлау өсөн 2 млн һум аҡса бүлеү ҡаралған.

Әйтергә кәрәк, былар районды социаль-иҡтисади үҫтереүҙең комплекслы программаһында ҡаралған проекттарҙың бер нисәүһе генә. Ғәмәлдә иһә ғәйәт ҙур күләмдә төҙөлөш һәм реконструкция эштәре атҡарыу күҙ уңында тотола. Был, әлбиттә, беҙҙең районды үҫтереүгә яңы һулыш бирәсәк, тип күҙалларға мөмкин. “Һаҡмар” гәзите биттәрендә лә беҙ программаның үтәлеше менән даими таныштырып барасаҡбыҙ.

Баймаҡ районын социаль-иҡтисади үҫтереүҙең комплекслы программаһы менән танышырға теләүселәр муниципаль район хакимиәтенең сайтына (http://www.baimak.ru/), һәм “Һаҡмар” гәзитенең сайтына  (http://sakmar.pressarb.ru) мөрәжәғәт итә ала.

А. Мөхәмәтшин.

Байрамдарҙы күңелһеҙ хәлдәр боҙмаһын

30 декабрҙә Башҡортостан Республикаһы Президенты Р.З. Хәмитов видеоселектор кәңәшмәһе уҙғарҙы. Байрам осоронда республиканың хәүефһеҙлеген тәьмин итеү, һәр урында профилактика саралары күреү, шулай уҡ торлаҡ-коммуналь хеҙмәттәрҙең өҙлөкһөҙ эшләүен контролдә тотоу кәңәшмәнең төп темаһы булды. “Оҙон байрамдар ваҡытында төрлө күңелһеҙ, ғәҙәттән тыш хәлдәр килеп тыумаһын өсөн, тейешле саралар күреү мотлаҡ. 25 декабрҙән 15 ғинуарға тиклем республикала янғынға ҡаршы айырым режим индерелде. Ҡайһы берәүҙәрҙең ут менән һаҡһыҙ эш итеүе йәки һауа торошоноң үҙгәреүе ҡурҡыныс хәлдәргә тарытыуы ихтимал. Һәр нәмәгә әҙер булырға кәрәк”, – тине Р.Хәмитов кәңәшмәне асып.

  Байрам саралары ойошторғанда икеләтә һаҡ булырға кәрәк. Пермдәге “Аҡһаҡ ат” клубындағы хәлдәр ҡабатланмаһын өсөн, һәр күңел асыу урыны – клубтар, кафе, ресторандар һ.б. – янғын һүндереүҙең беренсел саралары, эвакуация юлдары, сигнализация менән тәьмин ителергә тейеш. Янғындарҙы иҫкәртеү маҡсатында киң мәғлүмәт саралары, тышҡы реклама аша агитация алып барыу зарур. Бынан тыш, пиротехника изделиеларын ҡулланыу ҙа тейешле урындарҙа башҡарылырға тейеш. Ут сыҡҡан осраҡта, уны һүндереүгә тәғәйенләнгән техника төҙөк һәм заправкалы, һыу алыу урындарына юлдар асылған булыуы мөһим. Янғын хәүефһеҙлеген тәьмин итеү өсөн һәр ерҙә дежурлыҡ ойошторола, яуаплы кешеләр менән даими бәйләнеш булдырыласаҡ. Кәңәшмәлә торлаҡ-коммуналь хеҙмәттәренең дә Яңы йыл байрамдарында тейешенсә эшләү мәсьәләһе күтәрелде. Электр, һыу, йылылыҡ менән тәьмин итеүҙә өҙөклөктәр булырға тейеш түгел. Күп кенә ошондай объекттарҙы һаҡ аҫтына алыу кәрәклеге лә һыҙыҡ өҫтөнә алынды. Шулай уҡ тәбиғәт үҙгәрештәренә лә әҙер булырға кәрәк. Юлдарҙы, ауыл һәм ҡала араларындағы юлдарҙы таҙартыу, урамдарҙы яҡтыртыу, автомагистралдәрҙәге хәүефле урындарҙа дежурлыҡ ойоштороу кеүек мәсьәләләр ҙә күтәрелде. Ҡала һәм райондарҙағы йылылыҡ селтәрҙәренең газ өсөн бурысы тураһында ла етди һөйләшеү булды. Ошо һәм башҡа мәсьәләләр буйынса БР Премьер-министры урынбаҫары Ю.Л. Пустовгаров, БР буйынса РФ Ғәҙәттән тыш хәлдәр министрлығының баш идаралығы начальнигы М.Ш. Мәһәҙиев, “РегионгазУфа” предприятиеһы етәксеһе А.Ә. Әхмәтшин һ.б. доклады тыңланды. 

Ярҙам кәрәкһә – шылтырат

Муниципаль район хакимиәтенең граждандар оборонаһы һәм ғәҙәттән тыш хәлдәр буйынса идаралығы район халҡына күңелле, файҙалы ял көндәре һәм уларҙың бәлә-ҡазаһыҙ үтеүен теләй. Айырыуса янғын хәүефһеҙлеге ҡағиҙәләре тураһында онотмағыҙ, балаларығыҙҙы өйҙә яңғыҙ ҡалдырмағыҙ. Ә шулай ҙа, хәүефле осраҡ килеп тыуһа, түбәндәге телефондар аша оператив һәм дежур хеҙмәттәргә шылтырата алаһығыҙ:   райондың берҙәм дежур-диспетчер хеҙмәте, янғынға ҡаршы хеҙмәт – 01, 3-12-30, 3-11-62, кеҫә телефоны аша – 112; милицияның дежур часы – 02, 2-26-86; “Ашығыс ярҙам” – 03, 3-22-34; газ хеҙмәте – 04, диспетчер – 2-14-34; “БашРЭС” ЯСЙ-һы (электросеть), диспетчер – 2-14-83; “Водоканал” ЯСЙ-һы, диспетчер – 2-14-30; “УК ЖФБ” ЯСЙ-һы, авария-диспетчер хеҙмәте – 3-15-33; Баймаҡ элемтә үҙәге – 2-12-01, 3-12-01; Баймаҡ ДРСУ-һы (район буйынса автобус маршруттары юлы) – 3-34-30; Баймаҡ РСУ-һы (ҡала буйынса юл торошо) – 2-14-44; муниципаль район хакимиәте, ҡабул итеү бүлмәһе – 3-14-47, 2-12-40.

Ветерандар кәңәшләште

15 сентябрҙә район ветерандары советының сираттағы ултырышы үтте.

Ойошма рәйесе Т.Ш. Бикҡолов Шәфҡәтлелек айлығы барышы, Ололар көнөнә әҙерлек мәсьәләләре буйынса сығыш яһаны, былтыр башҡарылған эштәр менән сағыштырҙы. Шулай уҡ өлкәндәргә ярҙам күрһәткән ойошма-предприятиелар ҙа билдәләнде. Район ветерандар советы Ололар көнөн үткәреү буйынса план ҡабул итте. Кубок кемгә булыр? Үткән шәмбелә футбол буйынса көньяҡ-көнсығыш төбәк кубогы өсөн ярыш сиктәрендә беҙгә йылайырҙарҙың Юлдыбай командаһы килде. Баймаҡтар һынатманы, 5:3 иҫәп менән ҡунаҡтарҙы еңде. Киләһе ярыш Сибай ҡалаһында буласаҡ, кубоктың кемгә эләгеүе лә шунда асыҡланасаҡ.

Исем туйы уҙасаҡ

25 сентябрҙә Икенсе Этҡол мәҙәниәт йортонда РФ халыҡ мәғарифы отличнигы, Б.Вәлид исемендәге премия лауреаты, крайҙы өйрәнеүсе Азамат Тажетдиновтың "Күңелдәрҙә яра төҙәлмәгән" исемле китабының исем туйы үтәсәк. Бөйөк Еңеүҙең 65 йыллығына арналған был баҫмала Байым, II Этҡол, Сәйетбаттал ауылдарынан фронтҡа оҙатылған яҡташтар һәм тылдағыларҙың фиҙаҡәр хеҙмәте хаҡында бәйән ителә.

Өйрәнәһе тәжрибәләр байтаҡ

2010-08-09

БР-ҙың атҡаҙанған ауыл хужалығы хеҙмәткәре Ғ.Б. Сәлимов етәкләгән Ленин исемендәге АХК-ның райондың агросәнәғәт комплексы тормошонда тотҡан урыны ҙур. Быйылғы ауыр шарттарҙа ла юғалып ҡалманы хужалыҡ коллективы – барлыҡ көстө, производство ҡеүәтен мал аҙығы әҙерләүгә йүнәлтте. Эште оҫта ойоштора белеү, эске резервтарҙы мөмкин тиклем файҙаланыу арҡаһында кооператив ҡышты яҡшы әҙерлек менән ҡаршылаясаҡ. Хужалыҡ конвейерының барлыҡ участкаларында гөрләп торған тормош та шуға ишара. – Аяуһыҙ ҡоролоҡ ҡаты һынау ҡуйҙы, – ти Ғәлим Булат улы, – бесәнселәрҙең эше менән танышҡан ваҡытта, – шуға ҡарамаҫтан орғасы малды тулыһынса һаҡлап ҡаласаҡбыҙ. Әле мөмкин булғанса аҙыҡ туплана, ҡырҙа һалам әҙерләнә. Базалар күптән инде малды ҡабул итергә әҙер. Киләһе уңыш тураһында ла хәстәрлек күрәбеҙ – быйыл 800 гектарҙа ужым арышы сәсеп ҡалдырасаҡбыҙ. Бының өсөн ер әҙерләнгән, орлоҡ фонды тупланған. Ғөмүмән, ҡышлау миҙгелен тейешенсә ҡаршылаясаҡбыҙ. Әле хужалыҡтың бесәнлек-баҫыуҙарында мал аҙығы хәстәрләү дауам итә. Бесәнселәр Зәки Ҡотлоғужин, республиканың атҡаҙанған механизаторы Фәррәх Мәхмүтов, Шәрифулла Хәмитов, Радик Баййегетов, Ҡәнзәфәр Гөлбәйетов, Рөстәм Шахморатов, Нуриман Гөлбәйетов, Фәнил Ғәйетбаев, Илдар Сәғәҙәтов, Ишморат Хәсәновтар уңғанлыҡ күрһәтә. Зәйнулла Юлбахтин, Әхмәҙи Ишкинин, Рәмил Үҙәнбаев агрегаттарҙы ваҡытында ремонтлап-көйләп тора. Егеттәрҙең тырыш хеҙмәте менән бөгөнгә 750 тонна бесән эҫкертләп ҡуйылған да инде. Йәшел массаға килгәндә, ул 2000 тонна һалынған. Сенаж әҙерләү дауам итә – ошо көндәрҙә 90 гектарҙағы донник баҫыуына төшәсәктәр. 100 гектарҙағы судан үләненән дә яҡшы уңыш көтөлә. Мал аҙығы базаһын тулыландырыуҙа быйыл һалам да ҙур роль уйнай. Кооператив етәкселеге ваҡытында уны хәстәрләүҙе лә онотманы – әле бесәнлеккә 767 тонна һалам өйөп ҡуйылған. Был үҙе үк ҙур ярҙам. Әйтеп үтелгәнсә, производствоның барлыҡ участкаларында ла тормош ҡайнап тора. Малсылыҡта продукция етештереү яҡшы – әле үткән осорға ҡарағанда көн дә 14-15 центнерға күберәк һөт һауыла. Йыл башынан 13368 центнер, һәр һыйырҙан 2673 кг продукция алынған. Һөттән генә лә 14 млн 879 мең һум килем, 2 млн 628 мең һум табыш алынған, рентабеллек 21,5 процент тәшкил иткән. Эффектлы хужалыҡ иткәндә, малсылыҡты табышлы тармаҡҡа әйләндерергә мөмкин икәнлеген тағы бер ҡат иҫбатлай был. Шуныһы үҙенсәлекле, эш хаҡы түләү, коллектив ағзаларының социаль мәсьәләләрен хәл итеү буйынса ла бында өйрәнәһе тәжрибәләр байтаҡ. Кооператив үҙенең алдынғы малсылары менән билдәле. Һауынсылар Мөнирә Сирбаева, Мөнирә Ҡотлоғужина, Гөлсирә Мөхәмәтшина, Хәлиҙә Моталлапова, быҙау ҡараусылар Һандуғас Николаева, Гөлсәсәк Сәғитова, Рәхилә Дәүләкәнова, Мәрйәм Мөхәмәтова, малсылар Айсыуаҡ Салихов, Ғилметдин Хажин, Хәкимйән һәм Илдар Исмәғилевтар һынатмай, башҡаларға үрнәк күрһәтә. Быйылғы шарттарҙа иген культураларынан ниндәй ҙә булһа уңышҡа өмөт итеү икеле. Игенселек технологияларын аныҡ күҙәтеп эшләгәндә, ниндәйҙер кимәлдә мөмкиндер ҙә. Кооператив та быйыл үҙен тәьмин итерлек ашлыҡ йыйып алырына иҫәп тота. Ғөмүмән, коллектив та, малсылыҡ та игенһеҙ ҡалмаясаҡ.

Азамат Мөхәмәтшин.

Ут-ялҡындан һаҡланайыҡ!

2010-08-09

Бурҙан ҡала, уттан ҡалмай, тиҙәр. Янғын кешегә ҙур бәлә килтерә: бер нисә сәғәт эсендә йылдар буйына туплаған мөлкәте, ҙур көс түгеп һалған йорто, кәртә-ҡураһы көл-күмергә ҡала. Ут йыш ҡына ғүмерҙәрҙе лә аямай. Янғындан зыян күреүсе бәләгә тарығандан һуң ғына уны булдырмаҫ өсөн барыһын да эшләмәүен, тейешле саралар күреү генә түгел, ә ҡайһы саҡ янғын хәүефһеҙлеге ҡағиҙәләрен тейешенсә үтәмәүен асыҡ аңлай ҙа ул – тик һуң шул... Районда сыҡҡан янғындарҙы анализлау һөҙөмтәһе күрһәтеүенсә, ут менән һаҡһыҙ ҡыланыу, балаларҙың шырпы менән шаярыуы, йылытыу приборҙарын дөрөҫ файҙаланмау, электр селтәренең төҙөк булмауы уларҙың төп сәбәбе булып тора. Әлеге көнгә ҡарата беҙҙең районда үткән 7 айҙа 39 янғын сыҡты, 87 ут тоҡаныу осрағы теркәлде. Ошо арҡала 1 миллион 500 мең һумдан ашыу матди зыян күрелде. 7 миллион һумлыҡ йорт-ҡаралты ҡотҡарып ҡалынды. Һуңғы осорҙағы эҫе һәм елле көндәр янғындарҙың күбәйеүенә килтерҙе. Сүп-сар, юл буйындағы кипкән үлән, бәләкәй ҡыуаҡтар күпләп яна. Шулай уҡ шәхси ихаталарға ташып алынған бесәндең янып китеү ихтималлығы ҡырҡа артты. Ошоларҙы иҫәпкә алып, тағы ла бер тапҡыр халыҡты иҫкәртеү кәрәк, тип һанайым: уҙған йылда ғына шәхси йорттарҙа 100 тоннанан ашыу бесән янып юҡҡа сыҡты. Төп сәбәп – өлкәндәрҙең ут менән менән һаҡһыҙ эш итеүе, балаларҙың шырпы менән шаярыуы. Янғын – ҙур матди зыян килтерергә һәләтле оло бәлә. Шуға күрә лә бесән-һаламды юлдан һәм тыҡрыҡтарҙан алыҫ булған, ҡойма менән уратып алынған махсус урындарҙа һаҡларға кәрәк. Улар янында балаларҙың уйнауын тыйыу мотлаҡ, сит кешеләрҙең йөрөүен дә иғтибарға алығыҙ. Кәбәндәр, шулай уҡ ҡоро мал аҙығын һаҡлау урындары менән йорт ҡаралтылары араһында ара ҡалдырырға кәрәк. Шәхси хужалыҡтарҙа янғын сығыу осрағында ҡулланыу өсөн һыу запасы булырға тейеш. Янғын һүндереү техникаһының төҙөклөгөн, яғыулыҡ-майлау материалдары менән тәьмин ителешен контролдә тотоу зарур. Район халҡы, предприятие, хужалыҡ етәкселәре, ауыл биләмәләре башлыҡтары янғын хәүефһеҙлеге ҡағиҙәләрен теүәл үтәүҙе тәьмин итергә тейеш. Әлеге осорҙа ҡый үртәүҙән, мунса, усаҡ яғыуҙан тыйылығыҙ. Балаларҙы күҙ уңынан ысҡындырмағыҙ. Бөтә урындарҙа ла – торлаҡ секторында, предприятие-ойошмаларҙа һ.б. янғын хәүефһеҙлеген тикшереү эштәре алып барырға. Ауыл биләмәләрендә янғын сыҡҡан осраҡта халыҡҡа хәбәр итеү системаһын (набат) булдырыу мотлаҡ. Янғындың ниндәй ҡот осҡос эҙемтәләргә килтереүен төптән аңлап, мөмкин булған барлыҡ иҫкәртеү сараларын күрергә кәрәк. Шунда ғына кеше ғүмерҙәрен, мөлкәтебеҙҙе һаҡлап ҡалырбыҙ.

И. Әбүбәкиров, Баймаҡ районы һәм ҡалаһының дәүләт янғын хәүефһеҙлеген күҙәтеү бүлеге начальнигы.

Райондағы янғын һүндереү хеҙмәттәренең телефондары һәм яуаплыларҙың исемлеге

2010-08-09

Урғаҙа – 4-53-11 (ВПО), 4-53-17 (дисп), 4-53-78 (гараж) – Ибраһимов Хәммәт, Сурмөхәмәтов Азамат Ишмөхәмәт – 4-55-85, Кәлимуллин Ислам Иҫке Сибай, Татлыбай – 4-43-20 (МПО), 4-43-46 (дисп) – Баязитов Салауат (89373392956), Ишмурзин Ғаязетдин (89371520207), Сирғәлин Насырйән (89053079134) I Төркмән – 4-41-60 (МПО), 4-41-43, 4-41-89 (дисп) – Харрасов Радин (4-42-35) Аҡморон – 4-34-72 (гараж), 4-33-70 (дисп) – Носов Валерий, Хоҙайғолов Самат, Өмөтбаев Әғләм Бикеш – 4-71-31, 4-71-46 (дисп) – Бородин Сергей (4-72-98) Мерәҫ – 4-28-45 (ВПО), 4-28-18 (дисп) – Сырлыбаев Ишмөхәмәт, Заманов Салауат, Нәҙербаев Әнүәр Темәс – 4-83-88 (өй), 4-84-26 – Наҙарғолов Һатыбал (89093477484), Ҡаҙаҡбаев Роберт (89279603482), Насыров Камил (89050067929) Ҡуянтау – 4-23-24 (дисп), 4-23-87 – Горюнов Владимир, Амантаев Дамир Ишмырҙа – 4-26-31, 4-26-25 (дисп) – Ғибәҙуллин Урал, Шәғәҙәтов Әнүәр, Иҫәндәүләтов Илшат Ҡолсора – 4-91-37 (мәктәп) – Самарбаев Фирғәт Таулыҡай – 4-77-41 – Ғимазов Урал, Дәүләкәнов Шәһит, Сәғәҙәтов Зәки, Ғәлин Рәхимйән Ниғәмәт – 4-75-44, 4-75-74, – Кәримов Урал Бетерә – 4-81-47 – Нәбиуллин Тимур, Нәбиуллин Илсур Йомаш – 4-61-32 (дисп) – Йомашев Садиҡ I Этҡол – 4-24-30, 4-24-35 – Азаматов Мансур Ярат, Йәрмөхәмәт – 4-65-06 (өй), 4-65-35 (дисп) – Ҡарамырҙин Миңлеғәле Әбделкәрим, Алғаҙы – 4-36-22 (а/б), 4-37-11 (староста) – Сәйетҡолов Йәмил, Урманов Сәғит Билал – 4-85-41 (а/б), 4-85-18 (а/б) – Булатов Радмир Ишей – 4-79-43, 4-81-46, 4-79-19 (мәктәп) – Кудрешов Валерий, Килмөхәмәтов Рауил Күсей – 4-48-12 (ауыл хакимиәте) – Йыһаншин Мират Түбә 104-се янғын часы– 4-93-01 Баймаҡ ҡалаһындағы 114-се янғын часы – 01, 3-12-30.

Төҙөүсе – һәр заманда маҡтаулы һөнәр

2010-08-09

Баймаҡта төҙөлөш комплексы, республиканың башҡа төбәктәрендәге кеүек үк, йылдан-йыл үҫеш ала бара. Төҙөлөштә алдынғы технологиялар үҙләштерелә, заманса материалдар һәм конструкциялар файҙаланыла. “Баймаҡ механизацияланған күсмә колоннаһы” яуаплылығы сикләнгән йәмғиәт коллективы ла һөнәри байрамы алдынан эштәренә йомғаҡ яһай, күрһәткестәрен барлай. Районда ғына түгел, күршеләрҙә лә бер-бер артлы социаль объекттарҙың ҡалҡып сығыуында Баймаҡ төҙөүселәренең өлөшө бар. Бөгөн предприятиела яҡынса 550 кеше эшләй. Уларҙың барыһы ла үҙ эшенең оҫтаһы булып танылған. Предприятие көсө менән йыл башынан 241 млн 34 мең һумлыҡ эш баш-ҡарылған. Бөгөн 5 объектта тө-ҙөлөш алып барыла. Ошо көн-дәрҙә Иҫән ауылында тау саң-ғыһы өсөн канат-буксир трасса-һы төҙөлә башлаған. Ул ҡышҡа әҙер буласаҡ. “Баймаҡ ПМК-һы” ЯСЙ-һы бер нисә йыл инде Хәйбулла районындағы “Юбилей” руда ятҡылығында тау-байыҡтырыу фабрикаһын төҙөүҙә ҡатнаша. Субподрядсылар менән бер-лектә йәмғеһе 246 кеше эшләй. Бынан ике йыл элек унда булғанда баймаҡтар ашхана һәм административ корпусты төҙөй ине. Бөгөн беҙҙең төҙөү-селәргә ете ҙур һәм тағы ла бер нисә бәләкәй объект төҙөү йөкмәтелгән. Был үҙе үк предприятиеның ышаныслы йәмғиәт икәнлеге хаҡында һөйләй түгелме?! Баймаҡ төҙөүселәренең тағы ла бер мөһим объекты – Темәс ауылындағы мәҙәниәт йорто. Барлыҡ эштәр прораб Ирек Сынбулат улы Кәримов етәкселегендәге 50 кешенән торған бригадаға йөкмәтелгән. Унда реконструкция эштәре киң йәйелдерелгән: ҡыйыҡ, ишек-тәҙрәләр, иҙән тулыһынса яңыртылған. Шулай уҡ һыу, йылылыҡ, канализация торбалары, электр линияһы алмаштырылған, тышҡы селтәрҙәрҙе һалыу буйынса эштәр дауам итә. Янғын сигнализацияһы үткәрелгән. Әле ҡоймаларҙы яңыртыу, бинаның эргә-тирәһенә асфальт түшәү кеүек эштәр ҡалған. Яңы һулыш алған мәҙәниәт йорто быйыл сентябрҙә файҙаланыуға тапшырыласаҡ. Сибайҙа 500 урынлыҡ көплө каток төҙөлөшөндә прораб Алексей Васильевич Власовтың бригадаһы эшләй. Каток заманса технологияларға таянып төҙөлә. Эске инженер селтәрҙәрен һалыу тамамланған, әле эштәр тышта дауам итә. Катокты быйыл октябрҙә файҙаланыуға тапшырыу ҡарала. Мәғлүм булыуынса, июлдә Өфөлә һөнәре буйынса иң яҡшы төҙөүсене билдәләү маҡсатында сираттағы республика конкурсы үткәйне. Уны БР-ҙың Төҙөлөш, архитектура һәм транспорт министрлығы, “Башҡортостан төҙөүселәр союзы” ойошмаһы һәм Рәсәй төҙөүселәр профсоюзының Башҡортостан Республикаһы ойошмаһы ойошторҙо. Конкурста Башҡортостандың төрлө төбәктәренән иң ҙур төҙөлөш предприятиеларынан һаналған ун ойошманан оҫталар ҡатнашты. Быйыл был конкурста беренсе тапҡыр Баймаҡ төҙөүселәре лә ҡатнашып, үҙ көстәрен һынап ҡараны. Әйтергә кәрәк, көньяҡ-көнсығыш райондарынан улар берҙән-бер команда булған. Конкурста биҙәүселәр Ғәҙел Заһит улы Солтанғолов менән Илфат Илдар улы Аллаяров, ташсылар Мирас Әхиәт улы Ғәйетбаев, Руслан Александрович Кульшин, плита һалыусылар Флүзә Фәтхислам ҡыҙы Фәйзуллина, Айсыуаҡ Сирғәле улы Сыңғыҙовтар ҡатнашты. Һөҙөмтәләр беҙҙең өсөн бик тә ҡыуаныслы: Флүзә Фәйзуллина менән Айсыуаҡ Сыңғыҙов үҙ номинациялары буйынса икенсе урынға сыҡты. Предприятиеның матди-техник базаһын нығытыуға ла иғтибар бирелә, яңы техника менән тулылана. Былтыр йыл башынан предприятие үҙ ҡарамағына алған Темәс ауылындағы кирбес заводы ла ярайһы уңышлы ғына эшләй. Бөгөн уның менән Герман Ридер улы Солтангилдин етәкселек итә. Заводта башлыса керамика кирбестәре етештерелә. Йыл башынан заводта 3 миллион 728 меңдән ашыу продукция әҙерләнгән, шуның 22,7 миллионы һатылған. Күреүегеҙсә, темәстәрҙең кирбесе ҙур һорау менән файҙалана. Башлыса улар йәмғиәт алып барған төҙөлөшкә, шулай уҡ Магнитогорск ҡалаһына оҙатыла. Сибай ҡалаһындағы сауҙа нөктәһенә лә һатыуға сығарыла. Ошо көндәрҙә Магнитогорск ҡалаһында ла сауҙа майҙансығы асыу күҙ уңында тотола. Заводты 112 кешенән торған коллектив берләштерә. Машинист Рәүил Йәнгилдин, операторҙар Илсур Йосопов, Илһам Айытбаев, слесарь Илгиз Байрамғоловтар – хеҙмәт алдынғылары. Предприятиеның юғары күрһәткестәрен тәүге сиратта эшселәрҙең тырыш хеҙмәте билдәләй. Төҙөүселәр көнө уңайы менән ташсылар Руслан Кульшин, Илнур Сәғәҙиев, Абдулхаҡ Буранбаев, Мирас Ғәйетбаев, биҙәүселәр Яңылбикә Таһирова, Гөлдәр Ғәлимова, Иршат Йосопов, бухгалтер Вәсилә Байғотлина, машинист Илдар Мәзитов, ярҙамсы хужалыҡ эшселәре Менәүрә Маркабаева, Хаммат Үҙәнбаев, иретеп йәбештереүселәр бригадаһы бригадиры Сергей Фролов, балта оҫталары Зиннәт Йәнтилин, Мәлик Әлибаев, электрик Рәфҡәт Шәрипов, слесарь Рәил Сырлыбаев, хеҙмәт ветераны Р.М. Романоваларҙың фиҙаҡәр хеҙмәтен баһалап китергә кәрәк. Һөнәри байрамдары уңайынан Баймаҡ төҙөүселәрен ихлас ҡотлап, артабан да уңышлы эшләүҙәрен теләйбеҙ.